 |
| Abiria wakiwa kwenye boti tayari kwa safari katika ziwa Tanganyika mkoani Kigoma |
 |
| Boti za mizigo zikiwa katika bandari ndogo ya Kibirizi Manispaa ya Kigoma Ujij. |
Na Emmanuel Senny
Katika
Kupambana na suala la Ajari za majini, imegundulika kuwa utengenezwaji wa
maboti chini ya kiwango ndio sababu ya ajari zinazoendelea kutokea katika ziwa
Tanganyika.
Mkurugenzi
mkuu wa SUMATRA Gilliard Ngewe amebainisha hayo hivi karibuni kwa kusema kuwa
kwa muda mrefu wamefanya ukaguzi na kugundua sababu hizo lakini moja wapo ikiwa
ni ubora wa vyombo hivyo.
Amesema
kuwa, kwa muda mrefu sasa wanafanya ukaguzi wa vyombo hivyo na ukaguzi
unaonyesha kuwa 70% ya vyombo hivyo huwa
na ubora wakati 30% vikiwa havifikii viwango vinavyotakiwa kisheria.
“Kwa
nini tuwe na asilimia 30 yote hii? Kwahiyo tunataka kupunguza asilimia hizo kwa
kushirikiana na mafundi wanaotengeneza vyombo hivyo ili kufikia asilimia 100 ya
vyombo vyenye ubora” alisema Bw. Ngewe.
Aidha
katika kutatua changamoto hiyo Bw. Ngwewe amewataka mafundi wa maboti kuungana kwa
pamoja na kupeana ujuzi ambao utawafanya kujenga maboti yenye ubora unaotakiwa.
Kwa
upande wao mafundi wa vyombo hivyo ambao
ukaguzi unaonyesha kuwa wao ndio chanzo cha ajari za majini kwa kutengeneza
vyombo chini ya viwango akiwemo Hamisi Alimas, Juma Ibrahimu na Paulo William wamesema kuwa sababu ajari huletwa na utaratibu wa upakiaji wa mizigo, kama mizigo ikiwa mingi kushinda kiwanga cha kinachotakiwa kwenye boti.
“Huwa
tunawashauri matajiri wanaotupa kazi ya kutengeneza vyombo hivyo kuacha kupakia
mizigo mingi lakini kwasababu ya tamaA ya pesa wanakiuka na kuzidisha mizigo
ambapo baadae boti huzana mara inapopata msukosuko majini” walisema.
Contact:
0765617630
email:
sennyemmanuel@gmail.com
