KIWANGO
cha Elimu ya Msingi mkoani Kigoma kimeonekana kupanda kwa mwaka huu 2015
ukilinganisha na mwaka jana baada ya
ufauru wa wanafunzi wa walimaliza darasa
la saba mwaka huu kupanda kwa asilimia 12.01.
Akizungumza
katika hafra ya upangaji matokeo ya darasa la saba mwaka 2015 mkoani hapa
mwishoni mwa wiki iliyopita , Kaimu Afisa Elimu wa mkoa wa Kigoma, Venance
Babukege, alisema kuwa matokeo ya mwaka huu ni mazuri ukilinganisha na matokeo
ya mwaka jana.
 |
| Kaimu Afisa Elimu wa mkoa wa Kigoma, Venance Babukege, akizungumza katika hafra ya upangaji matokeo ya darasa la saba mwaka 2015 mkoani humo mwishoni mwa wiki iliyopita, kulia ni Mkuu wa Mkoa wa Kigoma Kanali Mstaafu Issa Machibya . |
Alisema
kuwa, ufauru wa wanafunzi waliomaliza darasa la saba mwaka huu ni asilimia 54.04%
wakati mwaka jana ilikuwa 42.025% hivyo
ufaulu wa mwaka huu ukipanda kwa asilimia 12.01.
Aidha
Babukege alisema kuwa, kuongezeka kwa ufaulu mwaka huu kunasababishwa na walimu
kutimiza wajibu wao pamoja na wazazi kuhimiza mahudhurio ya lazima kwa watoto
wao pia serikali kutoa vitendea kazi
mashuleni kwa wakati sambamba na kuhamasisha walimu katika ufundishaji.
Babukege
alisema kuwa, baada ya mwaka jana ufaulu kuwa wa kiwango cha chini waliweka
mipango mikakati ya kimkoa ili kuinua elimu na walikuwa wakiwachukulia hatua
walimu ambao ni wazembe kutimiza wajibu wao.
 |
| Kaimu Afisa Elimu wa mkoa wa Kigoma, Venance Babukege, akizungumza katika hafra ya upangaji matokeo ya darasa la saba mwaka 2015 mkoani humo mwishoni mwa wiki iliyopita, kulia ni Mkuu wa Mkoa wa Kigoma Kanali Mstaafu Issa Machibya . |
“Mwaka
huu tulifukuza walimu 12 kutokana na utoro na kutokufundisha darasani
hivyo ili kuendana na kasi hii ya kuinua elimu
tutaendelea kuwachukulia hatua kali za kinidhani ikiwa ni pamoja na
kufukuzwa kazi walimu ambao watawaacha
wanafunzi darasani huku wao wakiendelea
na shughuri zao nje ya ufundishaji”
alisema Babukege.
Aliongeza
kuwa, kila shule katika Wilaya zote mkoani hapa zimefanya vizuri huku Wilaya ya
Kigoma Mjini ikiwa ya kwanza kwa ufaulu kimkoa ambayo ina asilimia 64 wakati
wilaya ya Kakonko ikiwa ni ya mwisho yenye asilimia 48.
“Kwa
upande wa Shule zilizoongoza, shule iliyoongoza kimkoa ni Mwiramvya ambayo ni shule ya mchepuo wa
kiingereza na katika kumi bora ya
wanafunzi waliongoza kimkoa wote wametoka katika shule hiyo, shule ya pili ni
Mtondo na shule ya Boma ya Kibondo ikiwa ni ya tatu” alisema Babukege.
 |
| Katibu Tawala wa Mkoa wa Kigoma Eng. John Ndungulu, akizungumza katika hafra ya upangaji matokeo ya darasa la saba mwaka 2015 mkoani humo mwishoni mwa wiki iliyopita, kushoto ni Mkuu wa Mkoa wa Kigoma Kanali Mstaafu Issa Machibya . |
Kwa
upande wake, Afisa Elimu wa Wilaya ya Uvinza Idara ya Elimu Msingi, Mwl. Frank
Magagiro ambaye alimuwakilisha Mkurugenzi Mtendaji katika kikao hicho, alisema
kuwa, sababu mojawapo iliyochangia kuongezeka kwa ufaulu mwaka huu ni
kuongezeka kwa waalimu baada ya kupata mgao kutoka TAMISEMI.
Alisema
kuwa, mwaka jana ufaulu ulikuwa duni kutokana na upungufu mkubwa wa walimu
kwani baadhi ya shule zilikuwa na walimu wawili hadi watatu pia kukiwa na
changamoto ya miundombinu ya vyumba vya madarasa na madawati.
“Kuna
shule zilikuwa na chumba kimoja cha darasa
na zingine zikiwa na vyumba viwili au vitatu hivyo serikali inaendelea kujipanga
katika mwaka huu wa fedha 2016/2017
tunatarajia kuongeza vyumba vya madarasa katika shule zenye upungufu sambamba
na kuwahamasisha wazazi kuhusu utoro wa wanafunzi” alisema Magagiro
