Madiwani wa Halmashauri ya Wilaya ya Kigoma wametakiwa kushirikiana na wananchi pamoja na watumishi ili kuhakikisha wanaleta maendeleo katika kata zao na halmashauri kwa ujumla.
Akizungumza
katika kikao cha kwanza cha madiwani wa Halmashauri hii, Mkuu wa Wilaya ya
Kigoma, Saveli Mwangasame, alisema kuwa ushirikiano ni chanzo cha mafanikio
katika maeneo yoyote yale hivyo ili
kuleta maendeleo katika kipindi hiki cha miaka mitano suala la ushirikiano
linatakiwa kupewa kipaumbele na kuachana na itikadi za kivyama.
 |
| Mkuu wa Wilaya ya Kigoma, Saveli Mwangasame, akizungumza na madiwani wa Halmashauri ya Wilaya ya Kigoma mwishoni mwa wiki iliyopita. |
Alisema
kuwa, madiwani peke yao hawawezi kutimiza suala la maendeleo ndio mana serikali
iliweka watumishi katika Halmashauri ili watoe ushirikiano kwa madiwani katika
kusimamia maendeleo.
Aidha
Mwangasame alisema kuwa, kuna sekta nyingi ambazo zinaweza kuingiza kipato
katika Halmashauri ikiwemo uvuvi ndani ya Ziwa Tanganyika, kodi na Shughuri
mbalimbali za uzalishaji ambazo zote zinaweza kuongeza kipato cha halmashauri
ambacho kitasaidia katika utekelezaji wa miradi ya kimaendeleo.
Mwangasame
aliwataka madiwani hao kusimamie shughuri zote ambazo zinaingiza kipato cha
Halmashauri na kuwa msitari wa mbele
kupambana na uvuvi haramu katika Ziwa Tanganyika ambao ni chanzo cha
kudhoofisha mapato katika Halmashauri hii.
 |
| Mwenyekiti mpya wa Halmashauri ya Wilaya ya Kigoma, Enock Jonas, akizungumza na madiwani baada ya kuchaguliwa katika kikao chao cha kwanza. |
“Wananchi
waliwaamini ndio mana waliwachagua hivyo ninaimani watatoa ushirikiano wa hari
ya juu kwenu katika kutekeleza masuala ya kimaendeleo, cha msingi ni kuwa na
umoja baina yenu madiwani, watumishi wa Halmashauri na wananchi” alisema
Mwangasame.
Nae
Mwenyekiti wa Mpya wa Halmashauri hiyo,
Enock Jonas, alisema kuwa, madiwani wote wana vyama vyao ila kampeni
zilishapita hivyo kwasasa ni kipindi cha kufanya kazi kwa ushirikiano ili
kurudisha imani kwa wananchi waliowachagua.
Alisema
kuwa, ili kuleta maendeleo katika Halmashauri tunatakiwa kuweka kado tofauti za
midini, kikabila na kikanda ili kufanya kazi kwa pamoja na kuangalia maslahi ya
wananchi badala ya kuangalia maslahi ya mtu mmoja.
“Hii
Halmashauri ni yetu tukishindwa kuiendeleza tutazomewa na wale tulio washinda
na katika uchaguzi ujao wananchi hawatotuamini tena, mimi kama Mwenyekiti
nitasimamia sharia na nitatoa ushirikiano kwa kila diwani” alisema Jonas.
Kwa
upande wake Makamu Mwenyekiti wa Halmashauri hii, Gwami John, alisema kuwa,
imani yake ni kwamba ushirikiano utakaojengwa baina ya madiwani, watumishi wa
halmashauri, wakuu wa idara pamoja na wananchi utakuwa chachu ya kuleta
maendelo.
Hata
hivyo John aliwataka wakuu wa idara kuwajari wananchi kwa kuwatatulia matatizo
yao wakati wanapofika katika ofisi zao badala ya kuwasumbua kwa sababu zisizo
za msingi jambo ambalo lilikuwa likipigiwa kelele na wananchi.
“Kumekuwa
na tabia kwa baadhi ya wakuu wa idara kuwasumbua wananchi kwa kuwaambia waje
kesho hata kama tatizo lao linaweza kutatuliwa muda huohuo, tukumbuke kuwa
mwananchi huyo anatumia nauli, pesa ya malazi na hata chakula sasa unapokuwa
unamwambia njoo kesho unamfanya apoteze pesa zake wakati ungeweza kumuhudumia
haraka” alisema John.
