Mwanamke mmoja mkazi wa Kagunga katika Wilaya ya Kasulu mkoani Kigoma anaejulikana kwa jina la Annastazia Ndihagati (51) amefariki dunia papo hapo baada ya kuangukiwa na gari kubwa la mizigo.
Tukio
hilo limetokea Decemba 4 majira ya saa kumi alasiri
katika kata ya kumsenga mtaa wa Kagunga baada ya gari lamizigo
(semitrela) kukwama kwenye matope yaliyosababishwa na mvua iliyokuwa ikinyesha
na wakati dreva akijaribu kulikwamua gari lile likaanguka na kumwangua mwanamke
yule na kufariki papo hapo.
Akizungumza na blog hii kuhusu tukio hilo kaka
wa marehem Khatibu Kasunzu alisema kuwa gari lilimuangukia
dada yake mwenye tatizo la mguu kutokana na kuwa na mzigo mkubwa ndani yake
pamoja na uzembe wa dreva.
Jeshi
la polisi wilayani Kasulu lilifika katika eneo hilo na kusimamia ulinzi wa
mzigo wote uliokuwa umepakiwa kwenye gari hilo ambao ilibidi mzigo uhamishwe kwenye magari
mengine mawili na kufanikiwa kuliinua gari hilo majira ya saa sita usiku na
kufanikiwa kuutoa mwili wa Bi annastazia ukiwa umeharibika vibaya.
