 |
| Picha haihusiani na Tukio |
Mwanamke
mmoja ajulikanae kwa jina la Victoria Wiso ambaye ni Mwalimu wa Shule ya Msingi
Buzebazeba na mkazi wa Katubuka katika Manispaa ya Kigoma Ujiji amekutwa amejinyonga mpaka kufa kwa kutumia
kamba akiwa jikoni kwake.
Akizungumza
na Waandishi wa habari wiki hii, Kamanda wa Polisi Mkoani Kigoma, SACP
Ferdinand Mtui amesema, Tukio hilo limetokea usiku wa kuamkia Jumatano ya Wiki
hii ambapo marehemu aliamka usiku na kumfungia mme wake chumbani nae akaelekea
jikoni na kutekeleza azima yake ya kujinyonga.
Aidha
Kamanda Mtui amesema, Jeshi la Polisi mkoani Kigoma linaendelea na uchunguzi
ili kubaini chanzo cha mama huyo kujinyonga kutokana na kutokuwepo taarifa
yoyote aliyoiacha kwa maandishi.
Kwa
upande wao mashuhuda wa tukio hilo ambao ni majirani wa marehemu akiwemo
Zainabu Hamisi na Norata Sungura kwa nyakati tofauti wameelezea tukio hilo kuwa.
Hata
hivyo kwa mujibu wa mashuhuda hao, tukio hilo limeonekana kuwashangaza na
kuleta hari ya sitofahamu kutokana na marehemu na mme wake kutokuwa na ugomvi
wa aina yoyote ambao ungeweza kupelekea mama huyo kujinyonga.
