Mkuu wa jeshi la polisi nchini IGP Simon Sirro amempandisha cheo askari wa jeshi hilo kikosi cha Kutuliza ghasia FFU mkoani Kigoma Tamal Moses baada ya askari huyo kuonyesha uwezo wa hali ya juu katika onyesho la gwaride la uhodari wakati wa ziara yake mkoani humo.
Akizungumza mara baada ya kumvisha Cheo hicho kwa niaba ya mkuu wa jeshi la polisi nchini kamanda wa jeshi hilo mkoa wa Kigoma Kamishna msaidizi Martin Ottieno amesema Tamal amepandishwa cheo kutoka ngazi ya Copro hadi sajini wa polisi.
Kwa upande wake Tamal Moses aliyepandishwa cheo ameushukuru uongozi wa mkoa kwa ujumla huku akiahidi kuongeza juhudu katika kazi ili kufika mbele zaidi.
Hata hivyo IGP Sirro amefanya ziara yake mkoani Kigoma hivi karibuni ikiwa ni hatua ya kuimarisha utendaji wa jeshi hilo katika kusimamia sheria kwa maendeleoo na usalama wa nchi.
