Jeshi
la Polisi mkoani Kigoma limekamata miche 20 ya bangi pamoja na lita 203 za
pombe ya moshi katika Kijiji cha Kurugongo Tarafa ya Heru Chini Wilaya ya
Kasulu mkoani humo bidhaa ambazo ziko kinyume na sheria.
Akizungumza
na blog hii, Kamanda wa Polisi mkoani Kigoma, SACP Ferdinand Mtui,
amesema, matukio hayo yametokea hapo jana wakati polisi wakiwa kwenye msako ambapo
tukio la kwanza polisi wamemkamata Fanuel Cosmas kwa kosa la kulima miche 20 ya
Bangi katikati ya shamba lake.
 |
| Kamanda wa Polisi mkoani Kigoma SACP Ferdinand Mtui, akizungumza na waandishi wa habari (hawapo pichani) |
Amesema,
kabla ya kumkamata mtuhumiwa polisi wamepata taarifa kutoka kwa raia wema na
baada ya kufika shambani kwake wakakuta miche hiyo katikati ya shamba la
mahindi.
Aidha
Kamanda Mtui amesema, baada ya polisi kumkamata mtuhumiwa wa bangi,
wakafanikiwa pia kuwakamata watu watano wakiwa na lita 203 za pombe ya moshi
kwa malengo ya kuuza.
Hata
hivyo Kamanda Mtui amewataka wananachi kuendela kutoa ushirikiano kwa jeshi la
polisi mara wanapobaini vitendo vya kiharifu katika maeneo yao.
